लोकमान्य वाचनालयातर्फे कथालेखन स्पर्धा

लोकमान्य वाचनालयातर्फे कथालेखन स्पर्धा
सकाळ वृत्तसेवा
साडवली, ता. २४ ः येथील श्री सद्गुरू लोकमान्य वाचनालयातर्फे पाचव्या कथालेखन स्पर्धेचे आयोजन करण्यात आले आहे. ही स्पर्धा सर्वांसाठी खुली आहे. यातील कथा स्वरचित असावी आणि ही कथा मराठी भाषेतून किमान २००० ते २५०० शब्दांची असावी, अशा सूचना वाचनालयातर्फे देण्यात आल्या आहेत.
कथालेखन स्पर्धेत सहभागी लेखकांनी ३१ ऑक्टोबरपर्यंत लिहिलेली कथा वाचनालयाच्या ग्रंथपालांकडे कार्यालयीन वेळेत आणून द्यावी. कुरिअर, पोस्टाने पाठवण्यासाठी श्री सद्गुरू लोकमान्य वाचनालय, मु. पो. देवरुख (मधली आळी), मोडक गार्डन मागे, ता. संगमेश्वर, जि. रत्नागिरी हा पत्ता आहे. ही कथा वाचनालयाच्या ta६४०९००१@gmail.com या ई-मेलवरही पाठवता येईल. कथा युनिकोडमध्येच टाईप करून पाठवावी. कथेसोबत स्वतंत्र कागदावर स्पर्धकांने स्वतःचे पूर्ण नाव, पत्ता (पिनकोडसह), फोन किंवा मोबाईल नंबर लिहावा. या कथेवर स्पर्धकाने कुठेही आपले नाव अथवा ओळख लिहू नये. या स्पर्धेचा निकाल १५ डिसेंबरला जाहीर केला जाणार आहे, अशे वाचनालयाचे अध्यक्ष प्रा. गजानन जोशी यांनी सांगितले.