आज टिपरी नृत्य स्पर्धा

राजापुरात आज टिपरी नृत्य स्पर्धा
सकाळ वृत्तसेवा
राजापूर, ता. २५ ः येथील राजापूर प्रतिष्ठानतर्फे उद्योजक कै. प्रकाश कातकर यांच्या स्मरणार्थ उद्या (ता. २६) पारंपरिक टिपरी नृत्य स्पर्धा आयोजित करण्यात आली आहे. ही स्पर्धा उन्हाळे येथील श्री महालक्ष्मी मंदिरामध्ये संध्याकाळी ६ ते रात्री ११ वा. दरम्यान होणार आहे. यामध्ये ८ संघाचा समावेश आहे.
टिपरी नृत्यस्पर्धेतील प्रथम क्रमांक विजेत्यांना ५ हजार रुपये, द्वितीय ३ हजार व तृतीय २ हजार रुपये अशी बक्षिसे दिली जाणार आहेत. या कार्यक्रमात न्यायाधीश समृद्धी नार्वेकर, नासा व इस्रोसाठी निवड झालेली पद्यलक्ष्मी गोंडाळ, तायक्वांदो राष्ट्रीय खेळाडू गार्गी बाकाळकर, खेलो इंडिया तायक्वांदो लीग सुवर्णपदक विजेती रिया मयेकर, मिताली घुमे, तायक्वांदोमध्ये राष्ट्रीय स्तरावर कास्यपदक पटकावणारी ओवी बाईत यांचा सन्मान करण्यात येणार आहे. स्पर्धेचे उद्‍घाटन सद्गुरू विश्वनाथ गोसावी यांच्या हस्ते होणार आहे. कार्यकमाला सर्वांनी उपस्थित राहावे, असे आवाहन प्रतिष्ठानचे अध्यक्ष मोहन पाडावे यांनी केले आहे.