कोकण कला, शिक्षण संस्थेतर्फे जिल्हाधिकारी धोडमिसेंशी चर्चा

94511
कोकण कला, शिक्षण संस्थेतर्फे
जिल्हाधिकारी धोडमिसेंशी चर्चा
सकाळ वृत्तसेवा
बांदा, ता. २६ ः कोकण कला व शिक्षण विकास संस्थेचे अध्यक्ष आणि समाजकार्यातून राज्यभर आपली स्वतंत्र छाप उमटवणारे दयानंद कुबल यांनी सिंधुदुर्गच्या जिल्हाधिकारी तृप्ती घोडमिसे यांची सदिच्छा भेट घेतली. या भेटीदरम्यान जिल्ह्यातील विविध सामाजिक, शैक्षणिक आणि युवकांशी संबंधित विषयांवर सविस्तर चर्चा करण्यात आली.
या भेटीत युवकांच्या रोजगार, शिक्षणाच्या संधी, महिला सबलीकरण तसेच आरोग्यविषयक उपक्रमांबाबत विधायक संवाद झाला. ग्रामीण भागातील विद्यार्थ्यांना शैक्षणिक क्षेत्रात अधिकाधिक संधी उपलब्ध करून देण्याच्या दृष्टीनेही काही महत्त्वपूर्ण विचारमंथन करण्यात आले. यावेळी श्री. कुबल यांच्यासोबत संस्थेचे सहकारी प्रथमेश सावंत आणि गौरी आडेलकर उपस्थित होत्या. जिल्ह्यातील सामाजिक उपक्रमांना प्रशासनाचे सहकार्य लाभावे, तसेच तरुणाईला मार्गदर्शन मिळावे, या हेतूने हा संवाद महत्त्वपूर्ण ठरल्याचे यावेळी श्री. कुबल यांनी सांगितले. जिल्हाधिकारी श्रीमती घोडमिसे यांनी अशा सकारात्मक चर्चांमधून समाजहिताचे उपक्रम अधिक प्रभावीपणे राबवले जाऊ शकतात, असा विश्वास व्यक्त केला.