प्रीतम गोवेकर पैठणीच्या मानकरी
94779
प्रीतम गोवेकर पैठणीच्या मानकरी
धाकोरेत ‘रंग पैठणीचा’; स्पर्धेतून महिलांच्या कलागुणांना वाव
सकाळ वृत्तसेवा
आरोंदा, ता. २८ ः सार्वजनिक नवरात्रोत्सव मंडळ, धाकोरे यांच्यातर्फे नवरात्रोत्सवानिमित्त आयोजित सांस्कृतिक मनोरंजनात्मक कार्यक्रम ‘रंग पैठणीचा, खेळ मनोरंजनाचा’ला उत्स्फूर्त प्रतिसाद मिळाला. यामध्ये प्रीतम गोवेकर यांनी मानाची पैठणी पटकावली.
या कार्यक्रमात कराओके गीत, हास्य मिमिक्री जुगलबंदी, लावण्यांची अदाकारी आणि खेळ पैठणीचा, फनी गेम यांसारखे विविध कार्यक्रम प्रेक्षकांच्या उपस्थितीत पार पडले. मंडळाचे अध्यक्ष अनंत नाईक यांच्या हस्ते कार्यक्रमाचे उद्घाटन झाले. त्यानंतर ‘रंग पैठणीचा’ कार्यक्रमाला सुरुवात झाली. पंचायत समिती माजी सदस्या मनीषा गोवेकर यांनी, हा कार्यक्रम खास महिलांच्या कलागुणांना वाव मिळावा तसेच त्यांना रोजच्या जीवनात थोडासा विरंगुळा मिळावा, यासाठी आयोजित केल्याचे सांगितले. व्यासपीठावर उपाध्यक्ष बबन मुळीक, उपसरपंच सोनू गवस, पोलिसपाटील श्रीराम राळकर, ग्रामपंचायत सदस्य प्रवीण पालव, संजय घुबे, उमेश गोवेकर, प्रल्हाद मुळीक, बाबी राळकर, अविनाश राळकर, हरेश कोठावळे, गोविंद साटेलकर, दीपक दाभोलकर उपस्थित होते. कार्यक्रमाचा निकाल असा ः प्रथम क्रमांक (पैठणी)-प्रीतम गोवेकर, द्वितीय (किचन सेट)-पूर्वा गवस, तृतीय (किचन सेट)- वैष्णवी गोवेकर. उत्तेजनार्थ अक्षरा नाईक, शुभदा गोवेकर, अदिती परब यांना गौरविण्यात आले. या कार्यक्रमाचे निवेदन राहुल कदम, अमित लाखे यांनी केले. नीलेश मुळीक यांनी आभार मानले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.