‘शिवउद्योग’ महिला आघाडी उपजिल्हा प्रमुखपदी नेरुरकर

94780

‘शिवउद्योग’ महिला आघाडी
जिल्हा उपप्रमुखपदी नेरुरकर

सकाळ वृत्तसेवा
कुडाळ, ता. २७ ः नेरुर (ता. कुडाळ) येथील रचना नेरुरकर यांची शिवउद्योग संघटनेच्या महिला आघाडी सिंधुदुर्ग जिल्हा उपप्रमुखपदी निवड झाली. शिवसेना नेते व माजी उपमुख्यमंत्री एकनाथ शिंदे यांच्या आदेशानुसार स्थानिक आमदार नीलेश राणे, शिवसेना जिल्हाप्रमुख दत्ता सामंत, महिला जिल्हा प्रमुख दीप्ती पडते यांच्या मार्गदर्शनाखाली ही निवड झाली आहे.
शिवउद्योग संघटनेचे महाराष्ट्र राज्य अध्यक्ष दीपक काळीद, सरचिटणीस प्रकाश ओहले, सिंधुदुर्ग जिल्हाप्रमुख विश्वास गावकर यांच्या प्रमुख उपस्थितीत बाळासाहेब भवन येथे ही निवड प्रक्रिया झाली. नेरुरकर यांची नियुक्ती झाल्याने महिला वर्गामध्ये उत्साहाचे वातावरण आहे. अधिकाधिक महिलांना बचतगटाच्या माध्यमातून रोजगाराची संधी उपलब्ध करून देण्याचा संकल्प त्यांनी व्यक्त केला. शिवसेना प्रवक्त्या ज्योती वाघमारे, माजी मंत्री विजय शिवतारे यांची भेट घेऊन त्यांनी मार्गदर्शन घेतले.