रत्नागिरी ः विभागीय धनुर्विद्या स्पर्धेसाठी निवड

rat28p1.jpg
94920
रत्नागिरीः जिल्हास्तरीय धनुर्विद्या स्पर्धेतील बसणी येथील जी. एम. शेट्ये हायस्कूलचे यशस्वी विद्यार्थी.

बसणी हायस्कूलच्या ७ विद्यार्थ्यांची
विभागीय धनुर्विद्या स्पर्धेसाठी निवड
सकाळ वृत्तसेवा
रत्नागिरी, ता. २८ः डेरवण येथे झालेल्या जिल्हास्तरीय धनुर्विद्या स्पर्धेत बसणी येथील जी. एम्. शेटये हायस्कूलच्या ७ खेळाडूंची फिटा व कंपाऊंड या प्रकारात यश मिळवले. त्यांची विभागीय स्पर्धेसाठी निवड झाली आहे.
डेरवण येथील स्पर्धेत समृध्दी योगेश कदम, आर्यन विलास चौगुले यांनी १९ वर्षे वयोगटात फिटा या प्रकारात प्रथम तर शार्दूल योगेश कदम याने १४ वर्षांखालील गटात कंपाऊंड प्रकारात प्रथम क्रमांक पटकावला. शर्विन विक्रम कदम याने १७ वर्षांखालील गटात फिटा प्रकारात द्वितीय क्रमांक मिळविला. राधिका राजन सुर्वे हिने १७ वर्षांखालील कंपाऊंड प्रकारात प्रथम क्रमांक, साक्षी अरूण घुमे हिने १४ वर्षांखालील फिटा प्रकारात तृतीय क्रमांक, तर श्रावणी नितीन घोसाळकर हिने कंपाऊंड प्रकारात द्वितीय क्रमांक पटकावला. या सर्व स्पर्धकांना क्रीडा शिक्षक नवनाथ जाधव यांचे मोलाचे मार्गदर्शन लाभले. या स्पर्धकांचे मुख्याध्यापक श्री. नाईक, क्रीडा शिक्षक श्री. जाधव यांनी अभिनंदन केले आहे.