कातकरी समाजाला दाखले वितरणासाठी मोहीम राबवा

कातकरी समाजाला
दाखले वाटपाची मोहीम
एम. देवेंदर सिंह : सेवा पंधरवड्यांतर्गत नियोजन
रत्नागिरी, ता. २९ ः सेवा पंधरवडा कालावधीत जिल्ह्यातील कातकरी समाजासाठी मोहीम स्वरुपात युद्धपातळीवर तालुकानिहाय आधार नोंदणी, जातीचे दाखले, रहिवास दाखले, निवडणूक ओळखपत्र व रेशनकार्ड वितरण करावे, अशा सूचना जिल्हाधिकारी एम. देवेंदर सिंह यांनी दिल्या आहेत.
छत्रपती शिवाजी महाराज महाराजस्व अभियानातंर्गत दापोली तालुक्यामध्ये सेवा पंधरवडा साजरा करण्यात येत आहे. दापोली तालुक्यातील शाळांमार्फत विद्यार्थ्यांना कायमस्वरुपी आवश्यक असलेले दाखले (अधिवास दाखला/जातीचा दाखला) वाटप करणे हा उपक्रम हाती घेण्यात आला आहे. त्यानुसार उपविभागीय अधिकारी विजयकुमार सूर्यवंशी यांच्या मार्गदर्शनाखाली दापोली तालुक्यात आदिवासी समाज मंदिर व कुडावळे ग्रामपंचायतीत आदिवासी/कातकरी समाजासाठी विविध सेवा विषयक विशेष शिबिर घेण्यात आले. शिबिरात आधारकार्ड नोंदणी व अपडेशन- ६०, पुरवठाविषयक सेवा- १६, विविध दाखले अर्ज प्राप्त ५७, आयुष्‍मान भारत कार्ड नोंदणी- २३ याप्रकारे अर्ज स्वीकारण्यात आले.