अणसूरमध्ये ८० जणांची आरोग्य चिकित्सा

96438

अणसूरमध्ये ८० जणांची आरोग्य चिकित्सा
वेंगुर्ले ः अणसूर ग्रामपंचायत येथे मुख्यमंत्री समृद्ध पंचायत राज अभियान अंतर्गत नुकताच आरोग्य शिबिराचा उपक्रम राबविण्यात आला. या शिबिराला ग्रामस्थांचा उत्स्फूर्त प्रतिसाद लाभला. या शिबिराचा ८० लाभार्थ्यांनी या शिबिराचा लाभ घेतला. शिबिराचे उद्‍घाटन सरपंच सत्यविजय गावडे यांच्या हस्ते झाले. यावेळी ग्रामपंचायत अधिकारी सायली सातोसे, उपसरपंच वैभवी मालवणकर, ग्रामपंचायत सदस्य प्रज्ञा गावडे, सीमा गावडे, साक्षी गावडे, संयमी गावडे, सुधाकर गावडे, वामन गावडे, गणेश गावडे, बिटू गावडे, प्रभाकर गावडे, भक्ती गावडे, अनुष्का तेंडोलकर, अन्नपूर्णा गावडे आदी उपस्थित होते. सरपंच गावडे यांनी आरोग्य शिबिरातील डॉक्टर व त्यांच्या सहकाऱ्यांचे आभार मानले. यापुढेही मुख्यमंत्री पंचायत राज अभियान कालावधीत अनेक नावीन्यपूर्ण उपक्रम गावात राबाविले जातील, असे सांगितले. याच दिवशी संपूर्ण गावात स्वछता अभियान राबविण्यात आले. यामध्ये धार्मिक स्थळे, शाळा, प्रशाळा व घर परिसर स्वच्छ करण्यात आले.