राष्ट्रीय स्वयंसेवक संघातर्फे मालवणात ''विजयादशमी''

swt611.jpg
96808
मालवणः येथे मार्गदर्शन करताना विवेक वैद्य.

राष्ट्रीय स्वयंसेवक संघातर्फे
मालवणात ‘विजया दशमी’
सकाळ वृत्तसेवा
मालवण, ता. ६ : राष्ट्रीय स्वयंसेवक संघाला समाजातील सुप्त सज्जन शक्तींना एकत्र घेऊन पंच परिवर्तन करायचे आहे. संघ कोणत्याही राजकीय पक्षाचा पुरस्कार करत नाही, तर तो फक्त हिंदुत्वाचा पुरस्कर्ता आहे. देशविरोधी शक्तींकडून हिंदू समाजाला तोडण्याचे काम सुरू झाले असून सर्वांनी याबाबत जागृत राहणे आवश्यक आहे, असे प्रतिपादन विश्व हिंदू परिषदेचे रत्नागिरी विभागाचे मंत्री विवेक वैद्य यांनी आज येथे केले.
राष्ट्रीय स्वयंसेवक संघाचा श्री विजयादशमी उत्सव कुंभारमाठ येथील हॉटेल जानकी मंगल कार्यालयात साजरा करण्यात आला. प्रस्तावना मालवण शाखेचे कार्यवाह रत्नाकर कोळंबकर यांनी केली. कार्यक्रमाचे प्रमुख अतिथी बापूजी परब यांनी संघाची शिस्त आणि संरचनेचे मोठे कुतूहल असून ते मी स्वतःमध्ये अंगीकारण्याचा प्रयत्न करत आहे, असे मत व्यक्त केले. राजेश वळंजू यांनी उपस्थितांना संघमंत्र दिला. घनश्याम मांजरेकर यांनी अमृतवचन तर मंदार सांबारी यांनी ‘जाग उठा है आज देश का बहसों या अभिमान’ हे वैयक्तिक गीत सादर केले. सूत्रसंचालन अश्विन दिघे यांनी केले.