फोटोसंक्षिप्त-वृक्षारोपण मोहिमेस आरोंद्यात प्रतिसाद

97334

‘आजगाव शाळेनजीकचे
धोकादायक झाड हटवा’
आरोंदा ः आजगाव मुख्य रस्त्यावर शाळा क्र. १ च्या बाजूला धोकादायक स्थितीत असलेले आंब्याचे जुनाट झाड तोडण्याची मागणी होत आहे. याविषयी आजगाव ग्रामपंचायतीने बांधकाम विभागाला निवेदन दिले असून लवकरात लवकर याबाबत कार्यवाही करण्याची मागणी केली होती. बांधकाम विभागाने ते झाड लवकरात लवकर तोडण्याचे आश्वासन आजगाव ग्रामपंचायतीलाच दिले होते; मात्र बांधकामला त्या आश्वासनाचा विसर पडल्याचे दिसत असून याबाबत नाराजी व्यक्त करण्यात येत आहे. या जुनाट आंब्याच्या झाडाच्या बाजूलाच प्राथमिक शाळा असून या रस्त्यावरून वाहनांची सतत ये-जा असते. त्यामुळे एखादी दुर्घटना घडू शकते. रस्त्याच्या दुतर्फा वाढलेल्या झाडीबाबतही संबंधित विभागाने कारवाई करावी व पुढील दुर्घटना टाळावी, अशी मागणी आजगाव ग्रामस्थांकडून होत आहे.
..................
97332
वृक्षारोपण मोहिमेस आरोंद्यात प्रतिसाद
आरोंदा ः आरोंदा येथे बुथ क्रमांक २३१ येथे ''एक पेड माँ के नाम'' उपक्रमांतर्गत वृक्षारोपण करण्यात आले. यावेळी सरपंच सायली साळगावकर यांनी वृक्ष लागवड काळाची गरज असल्याचे सांगून, प्रत्येकाने एक तरी झाड लावून झाडांचे पर्यायाने निसर्गाचे संगोपन करावे, असे आवाहन केले. यावेळी सहदेव साळगावकर, राजन बाळे, मिनाश्री साळगावकर, अंकिता मळेकर, उज्ज्वला गडेकर, नेहा गडेकर, चेतना गडेकर, अदिती गडेकर, रिद्धी गडेकर, सविता साळगावकर आदींसह ग्रामस्थ उपस्थित होते.