दिवाळी खरेदीत पावसाचा खंड

-rat१६p७.jpg-
P२५N९८९३४
चिपळूण : पणती आणि टांगलेल्या आकाशकंदीलांमुळे शहरात दिवाळीची चाहूल लागली आहे.
----
दिवाळीत नको पावसाचा व्यत्यय
व्यापाऱ्यांची प्रार्थना; चिपळुणात पावसामुळे तारांबळ
चिपळूण, ता. १७ ः शहरातील बाजारपेठेत खरेदीसाठी गर्दी सुरू झाली आहे; मात्र बुधवारी (ता. १५) सायंकाळी झालेल्या जोरदार पावसामुळे खरेदीवर परिणाम झाला. विक्रेत्यांना आपले साहित्य आवरताना कसरत करावी लागली. वरूणराजा आता बरसू नकोस, ग्राहकांना खरेदी करू दे आणि आमची दिवाळीसुद्धा आनंदात जाऊ दे, अशी विनवणी विक्रेत्यांकडून केली जात आहे.
दिवाळीसाठी चिपळूण शहर सज्ज झाले आहे. दरवर्षी आकाशकंदिलांच्या नमुन्यांमध्ये भर पडत असून, सर्वत्र टांगलेल्या आकाशकंदिलांनी शहर रंगीबेरंगी झाले आहे. पणती आणि टांगलेल्या आकाशकंदिलांमुळे दिवाळी येण्याची चाहूल लागली आहे. शहर व उपनगरांतील सर्व बाजारपेठांमध्ये पणत्यांची विक्री सुरू झाली आहे. या उत्साहाच्या प्रकाशपर्वाला प्रारंभ झाला आहे. त्यासाठी चिपळूणवासीय सज्ज झालेले आहेत.
---