सावंतवाडीतील वाचन मंदिरात दिवाळी अंक प्रदर्शनाचा शुभारंभ
99536
सावंतवाडीतील वाचन मंदिरात
दिवाळी अंक प्रदर्शनाचा प्रारंभ
सकाळ वृत्तसेवा
सावंतवाडी, ता. १९ ः वाचन संस्कृतीला प्रोत्साहन देण्याच्या उद्देशाने श्री राम वाचन मंदिर, सावंतवाडी यांच्यावतीने आयोजित करण्यात आलेल्या दिवाळी अंक प्रदर्शन आणि वाचक योजनेचा प्रारंभ ग्रंथालयाच्या सभागृहात झाला. सावंतवाडी पत्रकार संघाचे अध्यक्ष सचिन रेडकर आणि संघाचे सहसचिव विनायक गांवस यांच्या हस्ते या प्रदर्शनाचे उद्घाटन करण्यात आले.
याप्रसंगी उद्‍घाटक रेडकर यांनी श्री राम वाचन मंदिरच्या उपक्रमांचे अभिनंदन केले. आजच्या तंत्रज्ञानाच्या युगात श्री राम वाचन मंदिर वाचन संस्कृती वाढवण्यासाठी जे स्तुत्य उपक्रम राबवत आहे, ते खरोखरच कौतुकास्पद असल्याचे सांगितले. श्री. गावस यांनी देखील या कार्यक्रमाला शुभेच्छा देताना दिवाळी अंक वाचनाच्या आपल्या बालपणीच्या आठवणींना उजाळा दिला. या सोहळ्याच्या निमित्ताने ‘श्रीराम वाचन मंदिर’ने सभासद आणि वाचकांसाठी ‘दिवाळी अंक वाचक योजना’ सुरू केली आहे. संस्थेचे कार्यवाह रमेश बोंद्रे यांनी या अनोख्या योजनेचा जास्तीत जास्त वाचकांनी लाभ घ्यावा, असे आवाहन केले. राजेश मोंडकर यांनी प्रास्ताविक केले. श्री. बोंद्रे यांनी स्वागत केले. सहकार्यवाह ॲड. संदीप निंबाळकर, ॲड. अरूण पणदुरकर, बाळासाहेब बोर्डेकर, महेंद्र पटेल, निलिमा कानसे, गुरुप्रसाद वाडकर आदी उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.