दयानंद कुबल यांचा वाढदिवस विविध समाजोपयोगी उपक्रमांनी

00235

दयानंद कुबल यांचा वाढदिवस
विविध समाजोपयोगी उपक्रमांनी

बांदा, ता. २४ ः कोकण कला व शिक्षण विकास संस्थेचे संस्थापक अध्यक्ष दयानंद कुबल यांच्या वाढदिवसानिमित्त माणगाव येथे विविध समाजोपयोगी उपक्रम राबविण्यात आले. वाढदिवस हा केवळ केक, गिफ्ट किंवा साजरेपणापुरता मर्यादित न ठेवता, समाजाच्या गरजा ओळखून सेवेचे व्रत घेत साजरा करण्यात आला.
यानिमित्ताने ६७ युवकांनी रक्तदान केले, शेकडो रस्त्यावरील मुलांना अन्नदान करण्यात आले, तर ७५ दृष्टिहीन बांधवांना सफेद काठी वाटप केली. याशिवाय पूरग्रस्त भागातील १०० विद्यार्थ्यांना शालेय साहित्य किट, दोन शाळांना व्हाईट बोर्ड, तसेच २१ महिलांना मोफत शिलाई मशीन दिली. या कार्यक्रमात स्वयंरोजगार निर्मितीवर विशेष भर दिला. या उपक्रमात कोकण संस्थाचे विभागीय व्यवस्थापक प्रथमेश सावंत, प्रकल्प समन्वयक हनुमंत गवस, प्रकल्प व्यवस्थापक अमित पाटील, लेखापाल अवंती गवस, तसेच अमोल गुराम आदी उपस्थित होते.