आझाद मैदानात हुल्लडबाज तरुणांकडून फटाक्यांची आतषबाजी

-rat२४p३४.jpg-
२५O००२५९
दापोली ः आझाद मैदान येथे फटाके उडवण्याचा प्रकार सुरू आहे.
--------
आझाद मैदानावर फटाक्यांचा कहर
दापोली, ता. २५ ः दिवाळीच्या पार्श्वभूमीवर दापोली शहरातील आझाद मैदानात काही हौशी तरुणांकडून धोकादायक पद्धतीने फटाक्यांची आतषबाजी सुरू असून, त्यामुळे अपघात होण्याची शक्यता निर्माण झाली आहे.
शहराच्या मध्यवर्ती ठिकाणी असलेले हे मैदान दररोज खेळाडू, क्रीडाप्रेमी आणि नागरिकांनी गजबजलेले असते; मात्र सध्या रात्रीच्यावेळी काही तरुण रॉकेट बॉम्ब आकाशात न सोडता थेट जमिनीवरूनच समोरासमोर उभे राहून फेकत आहेत. यामुळे मैदानाच्या कडेला असलेल्या रस्त्यावरून जाणाऱ्या नागरिकांना धोका निर्माण झाला असून, कुठल्याही क्षणी अपघात होण्याची शक्यता व्यक्त केली जात आहे. शहरातील नागरिकांनी प्रशासन व पोलिस यंत्रणेकडे तत्काळ कारवाई करून या तरुणांना समज देण्याची मागणी केली आहे.