संक्षिप्त

खेड लायन्सतर्फे
गरजूंना मदत
खेड : लायन्स क्लब ऑफ सिटीच्या वर्धापनदिनाचे औचित्य साधून तालुक्यातील आंबये येथील सुनील कृष्णा सकपाळ या गरजूला महिनाभर पुरेल इतके जीवनावश्यक वस्तू वितरित करत मदतीचा हात दिला. सामाजिक बांधिलकीतून राबवलेल्या उपक्रमाचे सर्वच स्तरांतून कौतुक होत आहे. सकपाळ कुटुंब अपंग आहे. अपंगावर मात करत मोलमजुरी करून कुटुंबाचा रहाटगाडा हाकत आहेत. या कुटुंबाच्या बिकट परिस्थितीबाबत माहिती मिळताच लायन्स क्लब ऑफ सिटीचे माजी अध्यक्ष रोहन विचारे, अध्यक्ष महेंद्र शिरगावकर यांनी तातडीने सकपाळ कुटुंबाला मदतीचा हात देण्याचा निर्णय घेतला.