ज्ञानेश्वर सावंत यांना ''महात्मा फुले'' पुरस्कार

swt285.jpg
00972
कोल्हापूर ः ज्ञानेश्वर सावंत यांना पुरस्कार प्रदान करताना मान्यवर.

ज्ञानेश्वर सावंत यांना
‘महात्मा फुले’ पुरस्कार
सकाळ वृत्तसेवा
आरोंदा, ता. २८ः पुण्यश्लोक अहिल्याबाई होळकर यांच्या त्रिशताब्दी जयंतीनिमित्त आयोजित ‘मराठी पाऊल पडते पुढे- गौरवगाथा सन्मान सोहळा, कोल्हापूर २०२५’ या कार्यक्रमात विविध क्षेत्रांतील कार्यकर्त्यांचा सन्मान करण्यात आला.
या सोहळ्यात जिल्हा परिषद पूर्ण प्राथमिक शाळा, मोरगाव क्र. १ (ता. दोडामार्ग) येथील पदवीधर शिक्षक ज्ञानेश्वर सावंत यांना शैक्षणिक क्षेत्रातील उल्लेखनीय कार्याबद्दल ‘महात्मा फुले शैक्षणिक कार्य पुरस्कार’ प्रदान करून गौरविण्यात आले. हा कार्यक्रम कोल्हापूर येथील राजर्षी शाहू महाराज नाट्यगृहात पार पडला. प्रसिद्ध अभिनेता, दिग्दर्शक व निर्माता संजय मोहिते यांच्या हस्ते सावंत यांना सन्मानपत्र व मानचिन्ह देऊन गौरविण्यात आले. आपल्या कार्याचा हा गौरव सर्व शिक्षकमित्र व विद्यार्थ्यांच्या प्रेरणादायी योगदानाचा असल्याचे सांगितले. त्यांना मिळालेल्या पुरस्काराबद्दल सर्व स्तरांतून अभिनंदन होत आहे.