घाडीगांवकर मराठा समाजाचे वार्षिक स्नेहसंमेलन उत्साहात
01610
घाडीगावकर मराठा समाजाचे
वार्षिक स्नेहसंमेलन उत्साहात
सकाळ वृत्तसेवा
मुणगे, ता. ३१ ः घाडीगावकर मराठा समाज विकास प्रतिष्ठान, कल्याण संस्थेतर्फे आयोजित वार्षिक स्नेहसंमेलन आचार्य अत्रे नाट्यमंदिर, कल्याण (पश्चिम) येथे उत्साहात झाले. समाजबांधव, भगिनी आणि मित्रपरिवाराच्या उपस्थितीने कार्यक्रमाला उत्स्फूर्त प्रतिसाद लाभला.
या प्रसंगी लोकराजा सुधीर कलिंगण प्रस्तुत श्री कलेश्वर दशावतार नाट्यमंडळ, नेरूर (कुडाळ) यांचा ट्रिकसीन्सयुक्त ‘जय जय रवळनाथ’ हा नाट्यप्रयोग सादर झाला. तसेच प्रमुख अतिथींच्या हस्ते ‘घाडीगावकर समाज दिनदर्शिका २०२६’चे प्रकाशन करण्यात आले. यावेळी ‘घरगुती गणेश सजावट स्पर्धा २०२५’च्या विजेत्यांना नगरसेवक महेश गायकवाड यांच्या हस्ते पारितोषिक देऊन गौरविले. यात अनुक्रमे सुयश घाडी (किंजवडे), संतोष घाडी (कुवळे), संजय आचरेकर (किंजवडे) यांचा समावेश होता. यावेळी नगरसेवक महेश गायकवाड, मठाधिपती गणेश शांताराम घाडीगांवकर (श्री स्वामी समर्थ श्रद्धास्थान, खोटले), सहदेव सीताराम दाभोळकर (उपाध्यक्ष, घाडीगांवकर सहकारी पतपेढी, मुंबई), श्री कलेश्वर दशावतार नाट्यमंडळाचे संचालक सिद्धेश कलिंगण, तसेच कलाकार पप्पू घाडीगांवकर, सचिन घाडीगांवकर आदींचा सत्कार करण्यात आला.
सचिव सोमा भानू घाडीगांवकर यांनी सांगितले की, घाडीगावकर मराठा समाज विकास प्रतिष्ठान गेली १५ वर्षे गुणवंत विद्यार्थ्यांचा गौरव, मोफत वह्यांचे वाटप, सांस्कृतिक कार्यक्रम, हळदी-कुंकू, वधू-वर मेळावे, ज्येष्ठांचा सत्कार आणि सामाजिक सहलींच्या माध्यमातून समाजाला एकत्र बांधून ठेवण्याचे कार्य सातत्याने करत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.