कला, साहित्य, संस्कृती व्यवहार विषयावर चर्चासत्र

‘साहित्य, संस्कृती’वर चर्चासत्र
देवरूखमधील डी-कॅड महाविद्यालय ; १५ला आयोजन
सकाळ वृत्तसेवा
साडवली, ता. ३ ः देवरुख येथील डी-कॅड, कॉलेजमध्ये ‘कला साहित्य संस्कृती व्यवहार’ या विषयावर १५ नोव्हेंबर रोजी एक दिवसीय चर्चासत्र आयोजित करण्यात आले आहे. यामध्ये सहभाग घेण्यासाठी राज्याच्या कानाकोपऱ्यातून वीसहून अधिक मराठी साहित्याचे अभ्यासक उपस्थित राहणार आहेत.
देवरूखचे सुपुत्र दिवंगत प्रा. श्री. पु. भागवत यांच्या जन्मशताब्दी पूर्ततेनिमित्त त्यांना अभिवादन करण्यासाठी चर्चासत्र आयोजित केले आहे. यामध्ये नागपूरपासून कोल्हापूरपर्यंत ते धुळे-जळगाव पासून गोव्यापर्यंतचे अभ्यासक चर्चा करणार आहेत. या आयोजनाची जबाबदारी येवला (जि. नाशिक) येथील अनुष्ठुभ प्रतिष्ठान या वाङ्मयीन संस्था आणि अजय पित्रे यांच्या नेतृत्वाखाली देवरुख येथील कॉलेज ऑफ आर्ट अँड डिझाईन(डी-कॅड) कॉलेजने घेतली आहे. यावेळी प्रा. वसंत आबाजी डहाके व प्रा. प्रवीण दशरथ बांदेकर हे दोन साहित्यिक सहभागी होणार आहेत.