शिवशंभो मंडळाचे नमन २५ रोजी मुंबईत

शिवशंभो मंडळाचे २५
२५ ला मुंबईत ‘नमन’
संगमेश्वर, ता. २ : येथील शिवशंभो नमन मंडळातर्फे २५ नोव्हेंबरला मुंबईत नमन सादर करण्यात येणार आहे. या मंडळाने पोलादपूर, गुहागर, रत्नागिरी, चिपळूण आणि सावर्डे येथे रंगतदार कलाकृतींची छाप पाडली आहे. यामध्ये मामा-भाच्याच्या अनोख्या जोडीची विनोदी मेजवानी प्रेक्षकांना मिळणार आहे. या मंडळात १७ कलाकारांचा सहभाग असून, लहान कलाकारांचे कौशल्य पाहून रसिक प्रेक्षक भारावून जात आहेत. जितेंद्र महाडिक यांचे सुरेल गायन वातावरण रंगवते, तर गण-गौळणींचे अफलातून सादरीकरण आणि पेंद्या सुदाम यांची मिमिक्री प्रेक्षकांच्या टाळ्या ओसंडून वाहायला लावते. यासोबतच ‘बाळकृष्णा’ची भूमिका रंगमंचावर उठावदार ठरत असून, बालकलाकारही आपली छाप उमटवत आहेत.