फुल विक्रेत्याची मालवणात आत्महत्या

फूल विक्रेत्याची मालवणात आत्महत्या
मालवण : शहरातील बाजारपेठेतील फूल विक्रेता, कुंभारमाठ चव्हाण भरडेवाडी येथील रहिवासी चंद्रकांत वसंत फोंडेकर (वय ६५) यांनी अंगणातील चाफ्याच्याच झाडाला गळफास घेऊन आत्महत्या केली. ही घटना आज सकाळी उघडकीस आली. त्यांच्या आत्महत्येचे कारण समजू शकलेले नाही. या घटनेची माहिती पोलिसांना देण्यात आली असून, पोलिस ठाण्यात आकस्मिक मृत्यू म्हणून नोंद केली आहे. याबाबतचा अधिक तपास पोलिस करत आहेत. त्यांच्या मागे मुलगा आहे.