''समर्पक'' नाटकांच्या शिर्षकगीतांच्या पुस्तकांचे प्रकाशन

- rat6p3.jpg-
25O02730
रत्नागिरी ः डॉ. नितीन चव्हाण यांच्या समर्पक या नाटकांच्या शीर्षकगीतांच्या पुस्तकांचे प्रकाश करताना मान्यवर.

‘समर्पक’च्या शीर्षकगीताचे पुस्तक प्रकाशन

सकाळ वृत्तसेवा
रत्नागिरी, ता. ६ ः मराठी रंगभूमी दिनानिमित्त डॉ. नितीन चव्हाण लिखित समर्पक या नाटकांच्या शीर्षकगीतांच्या पुस्तकाचे प्रकाशन येथील रंगशाळा सिनेनाट्य विद्यालयात झाले. या सोहळ्याला ज्येष्ठ रंगकर्मींसहित इंडियन मेडिकल असोसिएशनची नाटकमंडळी व रसिक प्रेक्षक उपस्थित होते. रंगशाळेच्या संचालिका मानसी पाथरे यांनी उपस्थित मान्यवरांचे स्वागत केले. या वेळी डॉ. नितीन चव्हाण, डॉ. शशांक पाटील व डॉ. मेधा गोंधळेकर यांनी मनोगत व्यक्त केले. त्यानंतर व्यासपीठावर असलेल्या मान्यवरांच्या हस्ते पुस्तकाचे प्रकाशन करण्यात आले. डॉ. चव्हाण यांनी आपल्या मनोगतात त्यांच्या शब्दरचनांना संगीतबद्ध करून प्रेक्षकांपर्यंत पोहोचवण्यासाठी सहभागी असलेल्या संगीतकार व पार्श्वगायक तसेच ध्वनिसंयोजन करणारे तंत्रज्ञ यांचे आभार मानले तसेच पुस्तक डिझाईन करून प्रकाशित करण्यासाठीच्या प्रक्रियेत ग्राफिक डिझायनर्स व प्रिंटर्स यांचा सहभाग महत्त्वाचा असल्याचा आवर्जून उल्लेख केला.
---