पाच ग्रामपंचायत इमारतींसाठी १ कोटींचा निधी

ग्रामपंचायत इमारतींसाठी १ कोटींचा निधी
सकाळ वृत्तसेवा
चिपळूण, ता. ७ : चिपळूण-संगमेश्वर मतदार संघातील ग्रामविकास योजनांना गती देत आमदार शेखर निकम यांच्या पाठपुराव्याला मोठे यश मिळाले आहे. बाळासाहेब ठाकरे स्मृती मातोश्री ग्रामपंचायत बांधणी योजनेंतर्गत चिपळूण तालुक्यातील तिवरे, निरबाडे, वालोटी आणि संगमेश्वर तालुक्यातील किरडुवे व फणसवळे या गावांसाठी नवीन ग्रामपंचायत इमारती बांधण्याकरिता १ कोटी रुपयांचा निधी मंजूर करण्यात आला आहे.
शासनाच्या या निर्णयामुळे संबंधित गावांमधील प्रशासनिक कार्यकाल अधिक सुसूत्र, पारदर्शक आणि नागरिकांना सुलभ होणार आहे. गावपातळीवरील लोकाभिमुख सुविधा उपलब्ध करून देणे आणि ग्रामीण पायाभूत सुविधांना बळकटी मिळण्यास मदत होणार आहे.
मतदार संघात विविध विकासकामांसाठी आमदार निकम सातत्याने पाठपुरावा करत असून, त्याचे फलित म्हणून रस्ते, पाणीपुरवठा, आरोग्य, शिक्षण आणि ग्रामविकासाशी संबंधित कामांना गती प्राप्त झाली आहे.