पावसाच्या विश्रांतीने भात कापणीला वेग

- rat७p५.jpg -
P२५O०२९४२
साखरपा : नव्याने कापून शेतात रचून ठेवलेले भातपिक.

पावसाच्या विश्रांतीने भातकापणीला वेग
सकाळ वृत्तसेवा
साखरपा, ता. ७ : गेले तीन दिवस पावसाने घेतलेल्या विश्रांतीमुळे शेतकऱ्‍यांनी भातकापणीला पुन्हा प्रारंभ केला आहे. ठिकठिकाणी शेतात नव्याने कापून झालेले भातपीक रचून ठेवलेले पाहावयास मिळत आहे.
हवामान विभागाने रविवारपासून पाच दिवस कोकण परिसरात जोरदार पावसाचा अंदाज वर्तवला होता; पण प्रत्यक्षात मात्र गेले तीन दिवस साखरपा परिसरात अजिबात पाऊस पडलेला नाही. त्यामुळे गेले तीन दिवस शेतकरी पुन्हा एकदा कापणीकडे वळलेले दिसत आहेत. ठिकठिकाणी शेतातून शेतकरी दिवसभर कापणी करताना दिसत आहेत. कापून झालेले पीक माळावर, रस्त्यावर, कातळभागावर वाळवत ठेवलेले दिसत आहे. त्याचप्रमाणे कापून आणि सुकवून झालेले पीक शेतात रचून ठेवले जात आहे. त्यामुळे ठिकठिकाणी शेतात रचून आणि प्लॅस्टिकखाली झाकून ठेवलेले भातपीक दिसत आहे.
---