खड्डे बुजवा; अन्यथा आंदोलन
03105
खड्डे बुजवा; अन्यथा आंदोलन
ठाकरे शिवसेना : वैभवाडीतील रस्त्यांची अवस्था बिकट
सकाळ वृत्तसेवा
वैभववाडी, ता. ७ : तालुक्यातील खारेपाटण-भुईबावडा, उंबर्डे-फोंडा या राज्यमार्गासह अन्य मार्गांवरील खड्डे १५ दिवसांत बुजवा; अन्यथा आंदोलन छेडू, असा इशारा शिवसेना ठाकरे गटाने बांधकाम विभागाला दिला आहे.
येथील बांधकाम विभागाचे उपअभियंता विनायक जोशी यांची ठाकरे शिवसेनेच्या पदाधिकाऱ्यांनी भेट घेतली. यावेळी तालुकाप्रमुख नंदू शिंदे, तालुका संघटक लक्ष्मण रावराणे, तालुका सचिव गुलजार काझी, महिला संघटक दिव्या पाचकुडे, स्वप्निल रावराणे, नाना जैतापकर, समीर लांजेकर, ओंकार इस्वलकर, संतोष शिंदे, यशवंत जैतापकर, मोरे आदी उपस्थित होते.
निवेदनात म्हटले आहे की, तालुक्यातील सर्वच राज्य मार्गांची दुर्दशा झाली आहे. एकही मार्ग वाहतुकीस योग्य राहिला नाही. खारेपाटण - गगनबावडा राज्यमार्गाची दुरवस्था आहे. याशिवाय उंबर्डे - फोंडा राज्यमार्गाचीही अवस्था वाईट आहे. खारेपाटण - तिथवली - नानिवडे मार्गे पुणे अशी वाहतूक सध्या मोठ्या प्रमाणात सुरू आहेत.’ दरम्यान, श्री. जोशी यांनी चार-पाच दिवसांत रस्त्यालगतची झाडे तोडण्यात येतील, असे सांगितले. तर पुढील पंधरा दिवसांत खड्डे बुजविण्याची ग्वाही दिली. दरम्यान, पंधरा दिवसांत जर खड्डे बुजविले नाहीत तर आंदोलन छेडू, असा इशारा शिवसेना ठाकरे गटाने दिला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.