जुन्या वादातून कोयत्याने हल्ल्यात एक जखमी

कुंडीतील हल्ल्याप्रकरणी परस्परविरोधी गुन्हे
सकाळ वृत्तसेवा
देवरूख, ता. ८ ः संगमेश्वर तालुक्यातील कुंडी कदमवाडी येथे जुन्या वादातून तरुणावर कोयत्याने जीवघेणा हल्ला झाल्याची घटना घडली. या हल्ल्यात एक तरुण गंभीर जखमी झाला. सुनील दिलीप मांजरेकर असे त्याचे असून, त्याच्यावर जिल्हा शासकीय रुग्णालयात उपचार सुरू आहेत. हल्लेखोर तरुणाला पोलिसांनी अटक केली असून, या प्रकरणी दोन्ही गटांकडून परस्परविरोधी तक्रारी दाखल करण्यात आली असून सातजणांविरोधात गुन्हा दाखल झाला आहे.
पोलिसांनी दिलेली माहिती, अटक करण्यात आलेल्या तरुणाचे नाव मनोहर वासुदेव खामकर असे आहे. पहिली फिर्याद संतोष जयराम मांजरेकर (वय ४५) यांनी दिली आहे. त्यानुसार संशयित मनोहर खामकर (३५), भिकाजी धोंडू सावंत (५५) आणि विमल या महिलेविरोधात गुन्हा दाखल झाला आहे. या प्रकरणी परस्परविरोधी तक्रार भिकाजी सावंत यांनी दिली आहे. त्यानुसार संशयित सुनील मांजरेकर, संतोष मांजरेकर, संजय देवजी मांजरेकर आणि विजय देवजी मांजरेकर यांच्याविरूद्ध गुन्हा दाखल केला आहे.