विजयदुर्ग बंदराचा विकास करा
03275
विजयदुर्ग बंदराचा विकास करा
चंद्रशेखर पुनाळेकर ः ‘महाराष्ट्र चेंबर’कडे मागणी
सकाळ वृत्तसेवा
मालवण, ता. ८ : कोकणच्या अर्थकारणाला आणि विकासाला नवी गती देण्यासाठी सिंधुदुर्ग जिल्ह्यातील विजयदुर्ग बंदराच्या विकासासंदर्भात महाराष्ट्र चेंबर ऑफ कॉमर्स इंडस्ट्री अँड अॅग्रीकल्चरचे माजी उपाध्यक्ष चंद्रशेखर पुनाळेकर यांनी चेंबरचे अध्यक्ष रवींद्र मानगावे यांची भेट घेत निवेदन सादर केले.
निवेदनात म्हटले आहे की, ‘विजयदुर्ग बंदराचा विकास झाल्यास संपूर्ण सिंधुदुर्ग जिल्ह्याला पर्यटन, मासेमारी, आंबा बागायती व्यवसाय आणि एक्सपोर्ट-इम्पोर्ट व्यवसायाला मोठी चालना मिळू शकते. त्यामुळे मालवण, आचरा, सर्जेकोट, खवणे, निवती यांसारख्या इतर बंदरांच्या विकासालाही गती मिळेल.’
यावेळी चेंबरचे ट्रस्ट बोर्डचे चेअरमन आशिष पेडणेकर, सिद्धिविनायक ट्रस्टचे माजी अध्यक्ष सुभाष मयेकर, गव्हर्निंग कौन्सिल मेंबर भालचंद्र राऊत, शिवाजीराव घोगळे, अशोक सारंग, नंदन वेंगुर्लेकर, लायन्स क्लब ऑफ कुडाळचे अध्यक्ष आनंद कर्पे आदी उपस्थित होते. यावेळी श्री. पुनाळेकर यांनी, महाराष्ट्र चेंबर ऑफ कॉमर्सच्या माध्यमातून या विषयांमध्ये वैयक्तिक लक्ष घालून मंत्रालय स्तरावर तातडीने चर्चा करावी आणि कोकणच्या विकासासाठी मोलाचे योगदान द्यावे, अशी विनंती केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.