हौशी राज्य नाट्य स्पर्धेचा पडदा आज उघडणार

हौशी राज्य नाट्य स्पर्धेचा
पडदा आज उघडणार
जिल्हाधिकाऱ्यांच्या हस्ते उद्घाटन ; १८ नाट्य संस्थांचा समावेश
रत्नागिरी, ता. ९ः महाराष्ट्र शासनाच्या सांस्कृतिक कार्य संचालनालयातर्फे ६४ वी ‘हौशी राज्य नाट्य स्पर्धा’ प्राथमिक फेरी उद्या पासून येथील स्वातंत्र्यवीर विनायक दामोदर सावरकर नाट्यगृह येथे सुरू होत आहे. यावर्षी स्पर्धेसाठी १८ नाट्य संस्था सहभागी झाल्या आहे. या स्पर्धेचे उद्घाटन सायंकाळी सात वाजता जिल्हाधिकारी मनुज जिंदाल यांच्या हस्ते होणार आहे.
या स्पर्धा १० नोव्हेंबर ते ९ डिसेंबर पर्यंत चालणार असून रोज संध्याकाळी ७ वाजता नाटकाचे प्रयोग सादर होणार आहेत. उदघाटनाप्रसंगी अखिल भारतीय मराठी नाट्य परिषदेचे रत्नागिरीचे कार्यवाह वामन कदम, बालरंगभूमी परिषद शाखा रत्नागिरी कार्यवाह सीमा कदम, ज्येष्ठ रंगकर्मी दत्ता बोरकर आणि रंगभूमी प्रयोग परिनिरीक्षण मंडळाचे सदस्य राजेश गोसावी आदी उपस्थित राहणार आहेत. उद्घाटनानंतर दर्यावर्दी प्रतिष्ठान निर्मित ‘अकल्पित’ नाटकाने स्पर्धेची सुरवात होणार आहे.