रुग्णांची मोफत तपासणी

साखरपातील शिबिरात
रुग्णांची मोफत तपासणी
साखरपा, ता. १५ : साखरपा प्राथमिक आरोग्यकेंद्रातर्फे आयोजित ज्येष्ठ नागरिक एक्स-रे तपासणी आरोग्य शिबिरात नागरिकांनी मोठ्या प्रमाणावर प्रतिसाद दिला. शिबिरात एकूण ३३६ ग्रामस्थांचे एक्स-रे काढण्यात आले. परिसरातील ६० वर्षे वयावरील नागरिक तसेच मधुमेह आणि रक्तदाब असलेले नागरिक यांच्या एक्स-रे तपासणीचे शिबिर साखरपा प्राथमिक आरोग्यकेंद्रातर्फे आयोजित करण्यात आले होते. शिबिर ओझरेबुद्रुक आणि साखरपा प्राथमिक आरोग्यकेंद्र अशा दोन ठिकाणी झाले. ओझरेबुद्रुक येथील शिबिरात १०८ ग्रामस्थांचे एक्स-रे काढण्यात आले तर दुपारनंतर साखरपा प्राथमिक आरोग्यकेंद्रात २२८ गामस्थांची तपासणी करण्यात आली. डॉ. सृष्टी डोर्ले, डॉ. प्रतीक मेणकर, नीलेश हांगे, एक्स-रे तज्ज्ञ मंगेश पाटील यांच्यासह श्रीकांत सावंत, मयेकर, जाधव, साटये, सर्व कर्मचारी, नर्स, आशा पर्यवेक्षिका, आशा स्वयंसेविका यांच्या सहकाऱ्‍यातून शिबिर यशस्वी झाले. जिल्हा आरोग्य अधिकारी डॉ. आठल्ये यांनी शिबिराला भेट दिली.

गांधी विद्यालयात
मूल्यवर्धित प्रशिक्षण
साखरपा ः येथील श्रीमान तुकाराम गणशेट गांधी विद्यालयात मूल्यवर्धित प्रशिक्षण शिबिर झाले. साखरपा, देवळे प्रभागातील शिक्षकांसाठी हे शिबिर झाले. शिबिरात गटशिक्षणाधिकारी विजय परी, विस्तार अधिकारी तानाजी नाईक, अण्णासाहेब बळवंतराव, केंद्रीय प्रमुख दिव्या भाटकर, समीर कापदुले, साखरपा नं. २ चे केंद्रप्रमुख बाबा यादव, मुख्याध्यापिका रंजन रेमणे आदी उपस्थित होते.