बेपत्ता वृध्दाचा मृतदेह सापडला

04585

बेपत्ता वृद्धाचा
मृतदेह आढळला
बांदा, ता. १५ ः बांदा-पानवळ येथून बेपत्ता झालेले गजानन मांजरेकर यांचा मृतदेह तेथीलच १५ फूट खोल ओहोळात आढळला. बांदा ग्रामपंचायत सदस्य तथा माजी उपसरपंच राजाराम ऊर्फ बाळू सावंत यांनी पुढाकार घेऊन पोलिसांना मृतदेह बाहेर काढण्यास मदत केली. मृतदेह ओहोळात पडलेल्या झाडाखाली अडकलेल्या अवस्थेत होता. सायंकाळची वेळ असल्याने सर्वत्र काळोख पसरला होता. अशा बिकट परिस्थितीत सावंत हे पोलिस कर्मचाऱ्यांसोबत थेट १५ फूट खोल ओहोळात उतरले. यासाठी त्यांना माजी उपसरपंच गुरू धारगळकर, प्रकाश धारगळकर, भरत धारगळकर, शेखर हडपडकर आणि इतर ग्रामस्थांनी मदत केली. मृतदेह बाहेर काढून विच्छेदनासाठी पाठविण्यात आला.