सहकार क्षेत्रामधील दिग्गज सावंतवाडीत शिंदे शिवसेनेत

04780
​
सहकार क्षेत्रामधील दिग्गज
सावंतवाडीत शिंदे शिवसेनेत

सकाळ वृत्तसेवा
​सावंतवाडी, ता. १६ ः ​सहकार क्षेत्रातील अनेक मान्यवरांनी आज शिंदे शिवसेनेत प्रवेश केला. आमदार दीपक केसरकर यांच्या कणखर नेतृत्वावर विश्वास व्यक्त करत या दिग्गजांनी शिवसेनेत प्रवेश केला.
यामध्ये ​अरुण गावडे (सावंतवाडी खरेदी विक्री संघाचे माजी व्हाईस चेअरमन), ​रामचंद्र जाधव (चौकुळ माजी उपसरपंच), ​जॉकी डिसोजा (कृषी उत्पन्न बाजार समितीचे माजी संचालक), ​उल्हास राणे, ​विजय बंड, ​प्रमोद परब, ​ज्ञानेश परब (चेअरमन, मडुरा सोसायटी), ​सुखाजी मोरजकर, ​प्रकाश मणेरकर, ​सुनील देसाई (खरेदी-विक्री संघाचे माजी चेअरमन),​ महादेव परब, ​सुधाकर देसाई आदींचा प्रवेश झाला. आमदार केसरकर यांनी सर्व नवप्रवेशितांचे पक्षात स्वागत केले. ​यावेळी शिवसेना जिल्हाप्रमुख संजू परब, जिल्हा महिला अध्यक्षा अॅड. नीता कविटकर-सावंत, माजी जिल्हाप्रमुख अशोक दळवी, तालुकाप्रमुख नारायण राणे व दिनेश गावडे, शहरप्रमुख बाबू कुडतरकर आदी मान्यवर उपस्थित होते. आमदार केसरकर यांच्या मार्गदर्शनाखाली सहकार क्षेत्रातील चळवळीला बळ देण्यासाठी अधिक जोमाने काम करूया, असे आवाहन जिल्हाप्रमुख परब यांनी नवप्रवेशितांना केले.