नाखरेतील आरोग्य शिबिराला प्रतिसाद

आरोग्य शिबिराला
नाखरेत प्रतिसाद
पावस, ता. १९ ः जिजाऊ शैक्षणिक व सामाजिक संस्था संचलित भगवान महादेव सांबरे रुग्णालय आणि नाखरे शिवसेना शाखेतर्फे नाखरे ग्रामपंचायतीत मोफत महाआरोग्य शिबिर झाले. रुग्णालयातील तज्ज्ञ डॉक्टर आणि कर्मचाऱ्यांच्या पथकाने विविध आरोग्य तपासण्या केल्या. तसेच आवश्यक औषधे मोफत पुरवली. आरोग्य शिबिराच्या उद्‍घाटनाला उपसरपंच विजय चव्हाण, जिजाऊ संघटनेचे जिल्हाध्यक्ष अॅड. महेंद्र मांडवकर, रत्नागिरी तालुकाध्यक्ष मंदार नैकर, शिवसेना पावस विभागप्रमुख विजय चव्हाण, सरपंच विद्या जाधव आदी उपस्थित होते.