नवोदय परीक्षा १३ डिसेंबरला

नवोदय परीक्षा
१३ डिसेंबरला
कुडाळ ः शिक्षा मंत्रालय भारत सरकारद्वारा संचलित सिंधुदुर्ग जिल्ह्यातील सांगेली येथील पीएम जवाहर नवोदय विद्यालयात २०२६-२७ या शैक्षणिक वर्षासाठी सहावी प्रवेश परीक्षा १३ डिसेंबरला होणार आहे. ऑनलाईन प्रवेश पत्रे काढण्याची प्रक्रिया सुरू झाली असून प्रवेशपत्रे सहावीसाठी संकेतस्थळावर उपलब्ध आहेत. प्रवेशासंबंधी अधिक माहितीसाठी संपर्क साधावा, असे प्राचार्य अशोक कांबळे, परीक्षा प्रमुख जे. बी. पाटील, एस. पी. हिरेमठ यांनी प्रसिद्धीपत्रकाद्वारे केले आहे.
...................
बांदा पतंजली योग
समितीतर्फे आवाहन
बांदा ः आजच्या डिजिटल व धकाधकीच्या युगात मन व शरीर यांची सुवर्ण सांगड घालणाऱ्या या योगसेवेचे महत्त्व अधिक वाढले असून पतंजलीच्या माध्यमातून याचा प्रत्यक्ष अनुभव नागरिक घेत आहेत. आपल्या गावांमध्ये योगवर्ग किंवा योग शिबिर सुरू करण्याची इच्छा असणाऱ्यांनी नंदादीप केळुस्कर, राजश्री तेंडले यांना संपर्क साधण्याचे आवाहन बांदा पतंजली योग समितीने केले आहे.