लांजात महायुतीकडून १३ नवीन उमेदवारांना संधी

लांज्यात महायुतीचे १३ नवे उमेदवार
सकाळ वृत्तसेवा
लांजा, ता. १८ ः नगरपंचायत निवडणुकीत नगराध्यक्षासह नगरसेवकपदासाठी शिवसेना शिंदेगटातून इच्छुकांची संख्या मोठी होती; मात्र या निवडणुकीत पत्ताच कट झाल्याने काही मातब्बर उमेदवारांची घोर निराशा झाली आहे. आमदार किरण सामंत यांनी महायुतीतील १५ उमेदवारांपैकी १३ नवीन चेहऱ्यांना संधी दिली आहे.
काही मातब्बर उमेदवारांना या निवडणुकीत उमेदवारी मिळाली नसल्यामुळेच घोर निराशा झाली आहे. त्यामुळे निवडणुकीत डावललेले मातब्बर उमेदवार निवडणूक प्रक्रियेत नेमकी कोणती निर्णायक भूमिका घेतात, याकडे लक्ष आहे. नगराध्यक्षपदासाठी सावली सुनील कुरूप, नगरसेवकपदासाठी निधी नीलेश गुरव, पंढरीनाथ बाळकृष्ण मायशेट्ये, श्रद्धा संजय तोडकरी, सानिका समीर जाधव, योगेश गोपीनाथ कावतकर, प्रांजळ प्रथमेश यादव, महेश मधुकर बामणे, निलिमा अशोक कनावजे, साक्षी किशोर मानकर, वैभव यशवंत जाईल, दीपक सखाराम निवळे, शिवन्पा शैलेश काळे या नवीन चेहऱ्यांना संधी देण्यात आली आहे. दिलीप मुजावर आणि मनोहर बाईत या जुन्या दोघांना उमेदवारी देण्यात आली आहे तर राष्ट्रवादी काँग्रेस आणि भाजपच्या वाट्याला आलेल्या दोन्ही जागांवरसुद्धा नव्या चेहऱ्यांना संधी देण्यात आली.