रायफल शूटिंग स्पर्धेत साईश तळणकरचे यश

05790

रायफल शूटिंग स्पर्धेत
साईश तळणकरचे यश
सावंतवाडी ः मुंबई विद्यापीठ आंतर महाविद्यालयीन कोकण विभागीय रायफल शूटिंग मुले व मुली स्पर्धा वेंगुर्ले येथील बॅ. बाळासाहेब खर्डेकर महाविद्यालयात झाली. या स्पर्धेत कोकण विभागात रायगड, रत्नागिरी, सिंधुदुर्ग जिल्ह्यातील महाविद्यालयातील संघ सहभागी झाले होते. या स्पर्धेत श्री पंचम खेमराज महाविद्यालयचा विद्यार्थी साईश तळणकर याने दहा मीटर एअर पिस्तुल या क्रीडा प्रकारात सुवर्णपदक पटकावले. या विद्यार्थ्यांची निवड मुंबई विद्यापीठ आंतर महाविद्यालयीन विभागीय रायफल शुटींग स्पर्धेतील कोकण विभागाच्या संघातून झाली आहे. ही स्पर्धा मुंबई येथे होणार आहे. त्याच्या यशाबद्दल सिंधुदुर्ग जिल्हा शिक्षण प्रसारक मंडळाच्या चेअरमन राणीसाहेब सौ. शुभदादेवी भोसले यांच्या हस्ते सत्कार करण्यात आला. याप्रसंगी संस्थेचे कार्यकारी विश्वस्त युवराज लखराजे भोसले, कार्यकारीणी सदस्य जयप्रकाश सावंत, महाविद्यालयाचे प्रभारी प्राचार्य एम. ए. ठाकूर, क्रीडा संचालक प्रा. सी. ए. नाईक व महाविद्यालयाचे प्राध्यापक उपस्थित होते.