संगमेश्वर-५० जणांनी घेतला सहभाग

रक्तदान शिबिरात
५० जणांचा सहभाग
सकाळ वृत्तसेवा
संगमेश्वर, ता. २२ ः रक्ताचा तुटवडा लक्षात घेऊन रत्नागिरी जिल्हा कुंभार समाज जिल्हा संघटक नीलेश कुंभार यांनी वाढदिवसानिमित्त संगमेश्वर येथे रक्तदान शिबिर आयोजित केले होते. त्यामध्ये ५० जणांनी सहभाग घेतला होता.
श्री संत गोरा कुंभार युवा प्रतिष्ठानतर्फे आयोजित कार्यक्रमावेळी जिल्हा परिषद माजी अध्यक्ष संतोष थेराडे, रत्नागिरी जिल्हा कुंभार समाज जिल्हाध्यक्ष सुभाष गुडेकर, जिल्हा उपाध्यक्ष मिलिंद इवलेकर आदी उपस्थित होते. उद्‍घाटनावेळी ११८ वेळा रक्तदान करणारे उदय कोळवणकर, ९३ वेळा रक्तदान करणारे मिलिंद चितळे, ३८ वेळा रक्तदान करणारे राजेश पडे, संदीप धनावडे, उमेश खैर यांच्यासह अरविंद बांबाडे, उदय गावडे, नीलेश किंजळकर, आशिष बाळदे, सागर बने, धीरज गुरव, आर्यन बाळदे, अथर्व गराटे, पार्थ बुदर, स्मितराज भरवणे अशा विविध क्षेत्रातील मान्यवरांचा युवा प्रतिष्ठानच्यावतीने सन्मान करण्यात आला. दरम्यान, या शिबिरात रक्तदान करणाऱ्यांना सुपारीचे झाड देऊन गौरवण्यात आले.