साहेब तुमच्याशिवाय आहेच कोण ?
फिरस्ती---लोगो
साहेब तुमच्याशिवाय आहेच कोण ?
तात्या नेहमीप्रमाणे संध्याकाळी रस्त्यावरून चालत फिरायला बाहेर पडले होते. रस्त्याने फिरताना त्यांना चर्चा ऐकायला मिळत होत्या त्या कोणकोणाच्या पक्षात गेला? कुणी माघार घेतली? आणि त्याला कोण भेटलं? यावरच प्रत्येकजणं आपले आडाखे बांधत होता. तेवढ्यातच तात्यांच्या समोरच एक आलिशान अशी चारचाकी येऊन थांबली. आतील पांढरे कपडे घातलेल्या भारदस्त व्यक्तीने गाडीची काच खाली केली आणि खर्जातील आवाजात रस्त्यावरून चाललेल्या एका तरुणाला विचारले, ‘काय बाबूराव कसं काय चाललयं?'' बाबूरावही तयारीचा होता. साहेबाला पाहिल्यानंतर लगेचच चेहरा हसरा करत, साहेब बरं चाललंय, असं उत्तर दिलं आणि प्रश्नही विचारला, साहेब गाठीभेटीला सुरवात केली का? गाडीतील तो साहेब उत्तरला, मी आजपासूनच प्रचाराला सुरवात केली. कौटुंबिक अडचण होती. तेवढ्यात बाबूरावही बोलला, साहेब मला काहीही काम असेल तर सांगा. माझा कोणताही पक्ष नाही. मी तुमचाच आहे. तुम्ही मला मदत केलीत, आता मीही तुमचं काम करणारच ना! साहेब तुमच्याशिवाय आहेच कोण?....बाबूरावचं बोलणं ऐकल्यावर लगेचच चारचाकीतील साहेबाच्या चेहऱ्यावर विजयी हास्य तरळलं. समाधानकारक उत्तर मिळाल्यावर चारचाकीही पुढे रवाना झाली. त्या दोघांचं बोलणं ऐकल्यावर तात्यांनीही मान डोलावली आणि ते पुढे रवाना झाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.