लांज्याच्या सर्वांगीण विकासावर लक्ष केंद्रीत

लांज्याच्या सर्वांगीण विकासावर लक्ष केंद्रीत
महाआघाडीचा अजेंडा ; नागरिकांच्या प्रश्नांना प्राधान्य
लांजा, ता. २१ः लांजा शहराच्या सर्वांगीण विकासाचे मुद्दे लक्ष केंद्रित करून निवडणुकीत उतरलो आहोत, असे शिवसेना (उबाठा), काँग्रेस व राष्ट्रवादी काँग्रेस (शरद पवार) या महाविकास आघाडीच्या घटक पक्षांनी पत्रकार परिषदेत जाहीर केले.
लोकहिताच्यादृष्टीने केलेली आंदोलने, मांडलेले मूलभूत प्रश्न आणि जनतेचा असलेला पाठिंबा पाहता लांजा नगरपंचायतीवर शिवसेना- काँग्रेस-राष्ट्रवादी महाविकास आघाडीचा विजय निश्चित असणार आहे. महाविकास आघाडीचा नगराध्यक्षपदाच्या उमेदवार पूर्वा मुळे सुशिक्षित असून, दोनवेळा नगरपंचायतीवर नेतृत्व केले आहे. लोकांना अपेक्षित विकास करणार असून, शहराच्या प्रारूप विकास आराखड्याचा विषय स्पष्ट झालेला नाही.
लोकांचा याला विरोध आहे. विकास आराखड्याला आमचा विरोध नाही; पण लोकांवर होणाऱ्या अन्यायाला आमचा विरोध आहे. नागरिकांच्या बाजूने त्यांचे प्रश्न सोडवणार व येथील जनतेला अपेक्षित विकास साधण्याला प्राधान्य देणार आहे. पत्रकार परिषदेला काँग्रेस जिल्हाध्यक्ष नुरूद्दीन सय्यद, शिवसेना (उबाठा) तालुकाप्रमुख सुरेश करंबेळे, काँग्रेस तालुकाध्यक्ष राजू राणे, राष्ट्रवादी काँग्रेसचे (शरद पवार गट) तालुकाध्यक्ष दाजी गडहिरे, शिवसेना विभागप्रमुख विश्वास मांडवकर, शिवसेना लांजा शहराध्यक्ष मोहन तोडकरी, सचिन लिंगायत, बाबा धावणे आदी उपस्थित होते.