सावर्डे ः माखजन हायस्कुलमध्ये माजी विद्यार्थी संघाची स्थापना

rat26p12.jpg-
06752
सावर्डेः माजी विद्यार्थीसंघाचे निवड झालेले अध्यक्ष सचिन साठे, सचिव महादेव परब व अन्य सदस्य.

माखजन हायस्कूलमध्ये
माजी विद्यार्थी संघ स्थापन
सावर्डे, ता. २६ ः महाराष्ट्र शासनाच्या मार्गदर्शक तत्त्वानुसार, संगमेश्वर तालुक्यातील माखजन पंचक्रोशी शिक्षण प्रसारक मंडळाच्या माखजन इंग्लिश स्कूलमध्ये माजी विद्यार्थीसंघाची स्थापना करण्यात आली.
माजी विद्यार्थ्यांच्या सभेत बुरंबाड येथील माजी विद्यार्थी सचिन साठे यांची अध्यक्ष म्हणून निवड झाली तर बुरंबाड येथील स्वप्नील बापट यांची उपाध्यक्ष म्हणून निवड झाली. या विद्यार्थीसंघाचे सचिवपद हे मुख्याध्यापक महादेव परब यांच्याकडे असणार आहे. समितीमध्ये खजिनदार म्हणून दत्ताराम मोरे (मावळंगे), सदस्य म्हणून गौरव पोंक्षे (आंबवपोंक्षे), सचिन तांदळे (माखजन), हरेश कातकर (बुरंबाड), ज्ञानदेव पड्यार (बुरंबाड), गणेश सहस्रबुद्धे (चिपळूण) यांची निवड झाली आहे. शाळेच्या प्रगतीसाठी आणि नावलौकिक वाढवण्यासाठी सर्वतोपरी प्रयत्न करू, असे नूतन अध्यक्ष साठे यांनी सांगितले. माजी विद्यार्थी सभेमध्ये ओंकार नामजोशी यांनी सूत्रसंचालन केले.