संविधान दिन

शिर्के प्रशालेत
संविधान दिन
रत्नागिरी, ता. २८ ः रा. भा. शिर्के प्रशालेमध्ये स्वराज्यसभा व सांस्कृतिक विभागातर्फे भारतीय संविधान दिन साजरा करण्यात आला. राज्यघटना दिन म्हणजे एक प्रकारे राष्ट्रीय उत्सवच असतो. जगातील सर्वोच्च लिखित संविधान म्हणजे भारतीय राज्यघटना आहे. संविधानाचे महत्त्व आणि संवेदनशीलता विद्यार्थिदशेत मूल्यसंस्काररूपात बिंबवण्यासाठी प्रशालेत कार्यक्रमांचे आयोजन केले होते. संविधान दिनाच्या या कार्यक्रमासाठी प्रमुख वक्ते म्हणून शिवाजी पांढरे (बीए, बीएड्, एलएलबी) यांचे व्याख्यान झाले. या वेळी त्यांनी भारतीय संविधानाची पार्श्वभूमी आणि वैशिष्ट्ये व नागरिक म्हणून आपली भूमिका या विषयावर विद्यार्थ्यांना मौलिक मार्गदर्शन केले.