समस्यापूर्ती काव्यलेखन स्पर्धेत ५३६ कवींचा सहभाग

काव्यस्पर्धेत ५३६ कवींची बहार
‘मसाप अन् कोमसाप’चा पुढाकार ; ३२ जिल्ह्यांतील कवी
सकाळ वृत्तसेवा
चिपळूण, ता. २८ ः येथील महाराष्ट्र साहित्य परिषद आणि कोकण मराठी साहित्य परिषद शाखांच्या संयुक्त विद्यमाने राज्यस्तरीय समस्यापूर्ती काव्यलेखन स्पर्धेला जगभरातील ५३६ कवींचा प्रतिसाद दिला. या स्पर्धेचा निकाल आणि विजेत्यांच्या गौरव जानेवारी-फेब्रुवारी २०२६ मध्ये एका विशेष कार्यक्रमात केला जाणार आहे.
काव्यलेखन स्पर्धेसाठी कवींना बा. सी. मर्ढेकर यांच्या ‘गणपत वाणी’ या कवितेतील पहिली ओळ गणपत वाणी बिडी पिताना देण्यात आली होती. आजवरच्या साहित्य इतिहासात अशा प्रकारचा हा पहिलाच क्रियाशील प्रयोग असल्याने राज्यभरातील कवींमध्ये या स्पर्धेबाबत उत्सुकता होती. याचे प्रतिबिंब स्पर्धेतील कवींच्या सहभाग-प्रतिसादात उमटलेले दिसत आहे. या स्पर्धेत जगातील इंग्लंड, इस्रायल आदी देशांत वास्तव्याला असलेल्या मराठी कवींनी सहभाग नोंदवला आहे. गुजरात, मध्यप्रदेश, गोवा, कर्नाटक, तेलंगणा राज्य आणि महाराष्ट्रातील रत्नागिरी जिल्ह्यासह ३२ जिल्ह्यातील कवींनी सहभाग घेतला. डिसेंबरच्या तिसऱ्या आठवड्यात चिपळूण येथे, डॉ. बाबासाहेब आंबेडकर वाचनालयाच्या रौप्य महोत्सवी वर्षानिमित्त जिल्हा युवा संमेलनांतर्गत विशेष कार्यक्रमात या स्पर्धेतील विजेत्यांना गौरवण्यात येणार आहे.