रत्नागिरी- चिंचखरी फाटकवाडी येथे २ डिसेंबरपासून दत्त जयंती उत्सव

चिंचखरी फाटकवाडी येथे
२ डिसेंबरपासून दत्त जयंती
रत्नागिरी, ता. ३० : शहराजवळील चिंचखरी फाटकवाडी येथे येत्या २ ते ५ डिसेंबर या कालावधीत दत्तजयंती उत्सवाचे आयोजन केले आहे. दोन रोजी सकाळी १० वाजता दत्तयागाने सुरुवात होणार आहे. त्यानंतर महाप्रसाद होईल. ३ डिसेंबरला सकाळी १०:४५ वाजता आरती, सकाळी ११ वाजता अखंड नामजपाची सुरुवात होणार आहे. ४ डिसेंबर रोजी सकाळी ११ वाजता नामजपाची सांगता होईल. दुपारी १२:३० नंतर महाप्रसाद होईल. सायंकाळी ०५ वाजता कौस्तुभ फाटक यांचे दत्त जन्माचे किर्तन होईल. सायंकाळी ६ वाजता दत्त जन्म होईल. त्यानंतर महाप्रसाद होईल. ५ डिसेंबरला सकाळी १०:३० वाजता तुळशी व फुले सहस्रनाम पादूकांवर वाहणे, दुपारी १२.३० वाजता महाप्रसाद होईल. सायंकाळी ६ वाजता श्री सत्यनारायण पुजा, सायंकाळी ७ ते ९ वाजेपर्यंत तीर्थप्रसाद, सायंकाळी ८ ते रात्रौ ९ वा. श्री सोमेश्वर भजन मंडळ, भडे लांजा यांची भजन सेवा होईल.