शाहीर सुरेश चिबडे, अनंत हंबीर यांचा पुरस्काराने गौरव

-rat१p२३.jpg-
२५O०७८२२
सातारा ः परब्रह्म श्री गोपाळनाथ महाराज जीवन गौरव पुरस्कार स्वीकारताना शाहीर सुरेश चिबडे व शिष्य मंडळी.
-------
सुरेश चिबडे, अनंत हंबीर यांचा गौरव
पुसेसावळी येथे वितरण ; कोकणातील शाहीरांचा सन्मान
सकाळ वृत्तसेवा
मंडणगड, ता. १ ः कोकणच्या लोकशाहिरी परंपरेसाठी आयुष्य वाहून घेत, कलेत स्वतंत्र स्थान निर्माण करणारे बेबलघरचे शाहीर वस्ताद सुरेश चिबडे आणि पालेकोंडचे शाहीर वस्ताद अनंत हंबीर यांना पुसेसावळी सातारा या ठिकाणी ब्रह्मनिष्ठ श्रीसद्गुरू हैबतीमहाराज पुण्यतिथीनिमित्त झालेल्या कार्यक्रमात जीवनगौरव पुरस्काराने गौरवण्यात आले.
चिबडे यांना परब्रह्म श्री गोपाळनाथ महाराज जीवनगौरव पुरस्कार व अनंत हंबीर यांना ब्रह्मनिष्ठ श्रीसद्गुरू हैबती महाराज जीवनगौरव पुरस्कार प्रदान करण्यात आला. ब्रह्मनिष्ठ श्रीसद्गुरू कविराज हैबतीमहाराज ज्ञानपीठ पुसेसावळी, सातारा यांच्यावतीने दिला जाणारा हा पुरस्कार शाहिरी क्षेत्रातील योगदानाची दखल मानला जातो. हा पुरस्कार म्हणजे कला तालीम, नवोदित कलाकारांना प्रशिक्षण तसेच लोककलेतील शास्त्रीयता आणि मौलिकता याचे योगदान आहे. कार्यक्रमाला शाहीर प्रकाश पाजणे, प्रदीप कंक, सखाराम माळी, मधुकर यादव, प्रवीण घाटविलकर आणि बेबलघर, पालेकोंड गावातील शाहीर कलाकार मंडळी उपस्थित होती.