अधिकार, कर्तव्याची जाण ठेवल्यास राष्ट्र प्रगतिपथावर

-rat४p१२.jpg-
२५O०८४०४
रत्नागिरी : गोगटे-जोगळेकर महाविद्यालयात व्याख्यान देताना जिल्हा कोषागार अधिकारी प्रविंद बिरादार. सोबत प्र. प्राचार्य अॅड. डॉ. आशिष बर्वे.
--------
संविधानाच्या पालनानेच राष्ट्र प्रगतिपथावर
प्रविंद बिरादार ः ‘गोगटे-जोगळेकर’मध्ये व्याख्यान
सकाळ वृत्तसेवा
रत्नागिरी, ता. ४ : भारतीय नागरिकांच्या जीवनात संविधानाने मूलगामी बदल घडवून आणले आहेत. नागरिकांनी संविधानात नमूद केलेल्या मूलभूत अधिकारांबरोबरच मूलभूत कर्तव्यांचीदेखील जाणीव ठेवून त्यांचे पालन केल्यास भारत राष्ट्र निश्चितच प्रगतिपथावर जाईल, असे प्रतिपादन रत्नागिरीचे जिल्हा कोषागार अधिकारी प्रविंद बिरादार यांनी केले. गोगटे-जोगळेकर महाविद्यालयात आयोजित विशेष कार्यक्रमात ते बोलत होते.
गोगटे-जोगळेकर महाविद्यालय (स्वायत्त) आणि श्रीमान भागोजीशेठ कीर विधी महाविद्यालयाच्या संयुक्त विद्यमाने बिरादार यांचे ‘नागरिक आणि राज्यघटना’ या विषयावर व्याख्यानात ते बोलत होते. प्रास्ताविक विधी महाविद्यालयाचे प्र. प्राचार्य ॲड. डॉ. आशिष बर्वे यांनी केले. प्राचार्य डॉ. मकरंद साखळकर यांनी जबाबदार नागरिक म्हणून आपण संविधान, लोकशाही मूल्यांचे जतन केले पाहिजे. संविधान निर्मात्यांनी संविधानात अंतर्भूत केलेले स्वातंत्र्य, समता, न्याय, बंधुता ही मूल्ये आणि त्यातील आदर्श यांना अनुसरून वाटचाल केली पाहिजे, असे मत व्यक्त केले.
---
चौकट १
विद्यार्थ्यांचा समुदाय सहभाग
राज्यशास्त्र विभागाच्या विद्यार्थ्यांनी समुदाय सहभाग कार्यक्रमांतर्गत प्रा. नीलेश पाटील यांच्या मार्गदर्शनाखाली रत्नागिरीतील शाळांमध्ये कार्यक्रम आयोजित केले. निखिल आपटे यांच्या नेतृत्वाखाली ‘युथ फॉर भारत’ या व्यासपीठाच्या १८ स्वयंसेवकांनी महाविद्यालयात कार्यक्रम घेतले तसेच प्रश्नमंजूषा स्पर्धेत ४७६ विद्यार्थ्यांनी सहभाग नोंदवला.