दुर्मीळ अमूर ससाण्याला मालवणमध्ये जीवदान
08859
मालवण ः दुर्मीळ अमूर ससाण्याला नैसर्गिक अधिवासात सोडण्यात आले.
दुर्मीळ अमूर ससाण्याला
मालवणमध्ये जीवदान
सकाळ वृत्तसेवा
मालवण, ता. ६ : येथील मासळी लिलावाच्या ठिकाणी ‘अमूर ससाणा’ या दुर्मीळ प्रजातीतील पक्ष्याची स्थानिकांनी कावळ्यांच्या हल्ल्यातून सुटका केली. यूथ बिट्स फॉर क्लायमेट संस्थेच्या सदस्यांनी त्याला सुरक्षितरीत्या नैसर्गिक अधिवासात सोडले.
आज सकाळी उमेश खांबोळकर यांना अमूर ससाण्यावर काही कावळ्यांनी हल्ला केल्याचे दिसले. प्रमोद खवणेकर व जगदीश तोडणकर यांनी तत्काळ ‘यूथ बिट्स फॉर क्लायमेट’शी संपर्क साधला. सदस्य भार्गव खराडे, अक्षय रेवंडकर तातडीने तेथे पोहोचले व कावळ्यांपासून त्या ससाण्याची सुटका केली. रेवंडकर यांनी हा दुर्मीळ पक्षी असल्याचे सांगितले. रेवंडकर यांनी पक्षितज्ज्ञांना याची माहिती दिली. अमूर ससाणा हा सायबेरिया, उत्तर चीनमध्ये प्रजनन करतो आणि हिवाळ्यादरम्यान भारतात स्थलांतर करतो. विशेष म्हणजे या छोट्या पक्ष्यात न थांबता सलग पाच हजार किलोमीटर अंतर अरबी समुद्र पार करण्याची क्षमता आहे, असे तज्ज्ञांनी सांगितले. त्यानंतर ‘यूथ बिट्स’च्या टीमने या पक्ष्याला कांदळवन परिसरात सोडले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.