डॉ. आंबेडकरांच्या विचारांमुळे दिशा
08860
डॉ. आंबेडकरांच्या विचारांमुळे दिशा
पालकमंत्री राणे ः कणकवलीत महापरिनिर्वाण दिनी अभिवादन
सकाळ वृत्तसेवा
कणकवली, ता. ६ : ‘भारतरत्न डॉ. बाबासाहेब आंबेडकर हे सदैव प्रेरणादायी व्यक्तिमत्त्व आहेत. त्यांच्या विचारांनी आम्हाला दिशा दिली आहे. संविधानाच्या माध्यमातून त्यांनी सर्वांना मानवतेने जगण्याचा हक्क दिला,’ अशा भावना पालकमंत्री नीतेश राणे यांनी आज येथे व्यक्त केल्या.
महापरिनिर्वाण दिनाच्या निमित्ताने त्यांनी कणकवली येथील डॉ. बाबासाहेब आंबेडकर यांच्या पुतळ्यास व प्रतिमेस पुष्पहार अर्पण करत अभिवादन केले. कणकवली बुद्ध विहार येथे झालेल्या कार्यक्रमात त्यांनी तथागत भगवान गौतम बुद्ध यांच्या मूर्तीसही पुष्प अर्पण केले. यावेळी भारतीय घटनेचे शिल्पकार डॉ. बाबासाहेब आंबेडकर यांचा जयघोष करण्यात आला.
यावेळी माजी उपनगराध्यक्ष बंडू हर्णे, माजी नगराध्यक्षा मेघा गांगण, माजी नगरसेवक संजय मालंडकर, विराज भोसले, तालुकाध्यक्ष मिलिंद मेस्त्री, प्रकाश सावंत, औदुंबर राणे, गौतम खुडकर, किशोर राणे, राकेश राणे, संतोष पुजारे, निसार शेख, अंकुश कदम, सुशील कदम, मयुरी चव्हाण, मेघा सावंत, आर्या राणे, प्रतीक्षा सावंत, मनस्वी ठाणेकर, किरण जाधव यांच्यासह भाजप कार्यकर्ते आणि आंबेडकरी अनुयायी उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.