चिपळूण ग्रामपंचायत संघटनेच्या अध्यक्षपदी रवींद्र पत्याने

चिपळूण ग्रामपंचायत संघटनेच्या
अध्यक्षपदी रवींद्र पत्याने
चिपळूण ः चिपळूण तालुका ग्रामपंचायत अधिकारी संघटनेच्या अध्यक्षपदी सावर्डेचे ग्रामपंचायत अधिकारी रवींद्र पत्याने यांची बिनविरोध निवड करण्यात आली. संघटनेचे माजी अध्यक्ष मंगेश पिंगळे यांची विस्तार अधिकारीपदी पदोन्नत्ती झाल्याने त्यांनी या पदाचा राजीनामा दिला होता. पंचायत समितीच्या छत्रपती शिवाजी महाराज सभागृहात ग्रामपंचायत अधिकारी संघटनेची बैठक झाली. संघटनेचे माजी अध्यक्ष मंगेश पिंगळे यांची पदोन्नतीमुळे पद रिक्त झाल्याने नव्या अध्यक्षपद निवडीची चर्चा करण्यात आली. त्यानुसार पत्याने यांची अध्यक्षपदासाठी एकमताने निवड करण्यात आली. ते १९९४ ला चिपळूण तालुक्यात ग्रामसेवक म्हणून रुजू झाले. सहा महिन्यांपूर्वी त्यांची सावर्डे येथे ग्रामपंचायत अधिकारी म्हणून नियुक्ती झाली आहे. त्यांनी चिपळूण तालुका संघटनेत यापूर्वी सचिव म्हणून तर जिल्हा संघटनेत कोषाध्यक्ष म्हणून कामकाज केले आहे.