मोटारीच्या धडकेत वृद्धा जखमी

मोटारीच्या धडकेत वृद्धा जखमी
सकाळ वृत्तसेवा
रत्नागिरी, ता. ६ ः शहरातील थिबापॅलेस रस्त्यावर मोटारीची धडक बसून वृद्ध महिला जखमी झाली. तिच्यावर जिल्हा शासकीय रुग्णालयात उपचार करण्यात आले. हा अपघात आज दुपारी झाला. राजश्री चंद्रकांत जाधव (वय ६४, रा. थिबापॅलेस रोड, रत्नागिरी) असे अपघातात जखमी झालेल्या वृद्ध महिलेचे नाव आहे. आज दुपारी जाधव या आपल्या घरातून बाहेर पडून थिबापॅलेस रोडने चालत जात होत्या. त्या चंद्रशेखर डेअरीकडे जाणाऱ्या रस्त्यासमोर आल्या असता पाठीमागून येणाऱ्या मोटारीने त्यांना धडक दिली. यामध्ये त्यांच्या उजव्या हाताला आणि पायाला दुखापत झाली आहे. अपघाताची नोंद जिल्हा शासकीय रुग्णालयातील पोलिसचौकीत करण्यात आली आहे.