विद्यार्थी परीक्षार्थी न राहता ज्ञानार्थी झाला पाहिजे

विद्यार्थ्‍यांनी परीक्षार्थी नव्हे ज्ञानार्थी व्हावे
कृष्णाजी कुलकर्णी ः नाणीजमध्ये साहित्यिक भेटीला उपक्रम
सकाळ वृत्तसेवा
पाली, ता. ८ ः शिक्षण हा प्रत्येक व्यक्तीच्या जीवनाचा मूलमंत्र आहे त्यामुळे विद्यार्थी हा परीक्षार्थी न राहता ज्ञानार्थी झाला पाहिजे. विद्यार्थ्यांनी गुण मिळवण्याच्या मागे न लागता ज्ञान प्राप्तीसाठी शिक्षण घेतले पाहिजे. त्याचसोबत ज्ञानेश्वरी, पसायदान यांचा भावनिक अर्थ आणि संक्षेपीत अर्थ समजून घेण्याची आवश्यकता आहे, असे प्रतिपादन प्रा. कृष्णाजी कुलकर्णी यांनी केले.
रत्नागिरी जिल्हा ग्रंथालय संघाच्या सुवर्ण महोत्सवी वर्षानिमित्त रत्नागिरी जिल्हा ग्रंथालय संघ रत्नागिरी व माध्यमिक विद्यामंदिर अँड. ज्युनिअर कॉलेज नाणीज यांच्या संयुक्त विद्यमाने आम्ही आणि शिक्षण या विषयावर गोवा येथील नामवंत साहित्यिक व निवृत्त प्राध्यापक कृष्णाजी कुलकर्णी यांचे व्याख्यान झाले. नाणीज हायस्कूलच्या साहित्यिक आपल्या भेटीला या कविवर्य केशवसुत ग्रंथालय च्या अनोख्या उपक्रमाचे आयोजन करण्यात आले होते. या वेळी प्राचार्य रूपाली सावंतदेसाई, सुधाकर माने, आशिष सरफरे, घनश्याम कदम आणि विद्यार्थी, शिक्षक उपस्थित होते.
---