तणनाशक प्यायलेल्या वाभवेतील एकाचा मृत्यू

09181
तणनाशक प्यायलेल्या
वाभवेतील एकाचा मृत्यू
वैभववाडी, ता. ७ ः तणनाशक प्यायलेल्या वाभवे कोंडवाडी येथील समाधान दिगंबर रावराणे (वय ४६) याचा आज पहाटे उपचारादरम्यान मृत्यू झाला. गुरुवारी (ता. ४) त्याने दारूच्या नशेत तणनाशक प्राशन केले होते. याबाबतची खबर त्याचा भाऊ संदीप रावराणे याने वैभववाडी पोलिसांत दिली.
पोलिसांकडून मिळालेल्या माहितीनुसार, कणकवली येथील खासगी रुग्णालयात समाधान याच्यावर उपचार सुरू होते. गुरुवारी दुपारी पावणेतीनच्या सुमारास लाकडे ठेवण्याच्या जागी ठेवलेल्या बाटलीतील तणनाशक दारूच्या नशेत तो प्यायला होता. घरातील मंडळींना ही माहिती मिळाल्यानंतर त्यांनी तातडीने त्याला कणकवली येथील खासगी रुग्णालयात दाखल केले. गेले तीन दिवस त्याच्यावर उपचार सुरू होते. आज पहाटे त्याचा मृत्यू झाला. समाधान याच्या मागे आई, पत्नी, मुले, भाऊ, भावजय असा परिवार आहे. दरम्यान, तणनाशक प्यायल्यामुळे मृत्यू झाल्याचा गेल्या पंधरा दिवसांतील हा तिसरा प्रकार आहे.