नोव्हेंबरची थकीत पेन्शन द्या
09448
नोव्हेंबरची थकीत पेन्शन द्या
दिव्यांगांची मागणी; कणकवलीत तहसीलदारांची भेट
सकाळ वृत्तसेवा
कणकवली, ता. ९ : दिव्यांग बांधवांना नोव्हेंबर महिन्याची पेन्शन रक्कम मिळालेली नाही. तसेच अंत्योदय योजनेमध्येही अडचणी येत आहेत. याबाबत कार्यवाही व्हावी अशी मागणी दिव्यांग बांधवांनी तहसीलदार यांची भेट घेऊन केली.
येथील तहसील कार्यालयात दिव्यांग संघटनेचे सुनील सावंत यांच्यासह सचिन सादये, बाळू मेस्त्री, यल्लप्पा कट्टीमणी आदींनी तहसीलदार दीक्षांत देशपांडे यांची भेट घेतली. यावेळी दिव्यांगाना नोव्हेंबर महिन्याची पेन्शन अद्याप मिळालेली नाही. ही रक्कम तातडीने मिळावी. तसेच दिव्यांग बांधवांना रेशन धान्य दुकानावर अंत्योदय योजनेचा लाभ दिला जात आहे. पण काही निकषांमुळे अनेक दिव्यांग बांधव या लाभापासून वंचित राहत आहेत. त्यामुळ योजनेच्या निकषांमध्ये बदल व्हावेत, अशी मागणी यावेळी दिव्यांगांनी केली.
------
तहसीलदारांकडून मागणीची दखल
दरम्यान, तहसीलदार श्री.देशपांडे यांनी दिव्यांगांच्या समस्यांबाबत वरिष्ठ अधिकाऱ्यांशी संपर्क साधला. त्यानंतर शासनाच्या प्रणालीमध्ये ज्या लाभार्थ्यांची कागदपत्रे अद्ययावत आहेत, त्यांची पेन्शन या आठवड्यात खात्यात जमा होईल, असे आश्वासन दिले. तसेच अंत्योदय योजनेबाबतच्या अडचणी देखील लवकरच मार्गी लावू अशी ग्वाही त्यांनी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.